Ama emagin zuela jaio ziren Luziaren umeak

Pasarteak jarraian erreproduzitu

Hizlaria(k): Inzunza Arteaga, Luzia

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MAN-002-015 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Luziaren ume denak etxean jaio ziren; bi erditzetan hartu zuen parte medikuak, baina beste denetan emagin lanak Luziaren amak egin zituen. Ume bikietako lehena amak atera zion, baina bigarrenarentzako medikuari deitu zioten.

« Aurrekoa Hurrengoa »

Proiektua: Mañariko ahotsak
Elkarrizketatzailea(k): Nerea Goiria Mendiolea
Data: 2011(e)ko martxoaren 02a
Iraupena: 0:02:33
Erref: MAN-002/015
Kodifikatzailea: Kepa Elortza
Gaia(k): Ohiturak eta bizimodua » Osasuna » Jaiotzak

Transkripzioa

- Ta zuk umiek etxien euki zenduzen danak?
- Danak etxien.
- Nor ibiltzen zan partera-edo?
- Ama.
- Zure ama?
- Neure ama.
- Partera?
- Neuretzako neure ama zan. Ta medikuaz bi. Aurretiko aldiz pentseten dot medikue etorri zala. Lelengokuaz, lelengokuek daukoz hirurogei urte einde. Hogeta bat urtaz ezkondu nintzen! Hirurogei urte daukoz einde. Haridxaz lelenkuaz. ta gero, bikotxak euki nebazan orduen. Ostin beti amaz.
- Semea: Kontau ahal dozuz zelakuek izen zien, eukitteko guztidxek?
- Zelan eukittakuek?
- Semea: Zelan euki ziñuzen umiek. Zelan jaidxo zien?
- Ondo. Danak ondo jaidxo zien!
- Bai, errez?
- Errez be, errez baiño be, zertxuau bai. Nausidxena ta bikotxa zien gatxenak. Nausidxena, bai nahiko gatxa zan! Izen be morroskotxue zan. Bai, morroskotxue zan. ta bikotxak, neskatue bai, neskatue goidxeko seiretan jaidxo zan ta mutikuek. Ta neskatu jaidxo zan amaz, neure amaz. Baia amak igerri ein otsen /eitsen/ beste bat euela. Ordun ez giñen joaten gu medikuengana-ta iñora be zertzen. Ta amak igerri ein otsen /eitsen/ beste bat euela, ta orduentxe, medikuei abisau. Ta jaidxo zan bata goidxeko seiretan jaidxo zan ta bestie goidxeko bederatzi, bederatzi-erdiek-edo, holan. Bai. Ta ha kosta ein zan.
- Ta zelan igarri otson, bigarrena datorrela-ba?
- Ba harek igerri ein otsen /eitsen/. Bueno, igerri ein otsen /eitsen/, beti esaten osten, aurretik be!: “Hor, bi xatozan”. Esaten ontsen: “ez eistezu niri ama hori esan, ze entzutiek be ez dakit zer emoten dosten-ta. Ez eistezu esan”. Ta ba nitzako be.
- Sorpresie, bi?
- “Ta nire gizonai be ez eizu esan! Ez babe, hor ibiliko ta gero, arteik hartu eziñik ibilko da-ta”.