Eskultura. Kisu-labea

Eskultura: kisu-labea harriz beteta eta pizteko prest. Baziren gizon trebe batzuk labeak prestatzen zekitenak. Hamar egunez sutan izan behar da, gau eta egunez. Normalean auzolanean egiten zen kisua. Eskulturan ikusten denez, labeko ahotik arbastak sartu behar dira, sua egiteko. Arbastak sartzeko purzina (sarde gisakoa) erabiltzen zuten. Hasieran ke beltza ateratzen da, gero urdina eta azkenean garra ateratzen da. Orduan, ahoa ixten da. Labea hozten denean, goitik ateratzen dituzte harriak; batzuk zuri-zuriak dira eta beste batzuk beltzagoak. Zuriak enplastuak egiteko eta etxeak zuritzeko (eta desinfektatzeko) erabiltzen ziren; ongarri gisa ere erabiltzen zen kisua.