Istorioa. Jose Mari itsua

Jose Mari itsua eskean ibiltzen zen eta, igandetan, elizako organoaren hauspoari eragiten zion. Gero, elizako atean txapela paratzen zuen eta errezatzen aritzen zen. Behin, Salbatoretan, karroza batean eseri zuten eta, liburu bat eskuetan zuela, zera erraten hasi zen: “capítulo primero” eta handik gutxira: “Frain auzoko neskatxak elegante jantzi, gainetik garbi eta azpitik zikin. Ilea lotzen dute a la fu, mixto batekin emanen nioke su”. Lehen, bestetan, ahate jokoa egiten zuten; zaldien gainean, ahatearen burua hartu eta tira egiten zuten.