Perratzailea Marulandara joaten zen igandetan

Pasarteak jarraian erreproduzitu

Hizlaria(k): Segura Errasti, Rufino

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ESK-030-012 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Marulandan perratokia zegoen eta perratzailea igandetan joaten zen bertara. Normalean idiak perratzen ziren. Lurraren arabera, perra gehiago edo gutxiago behar izaten zuten; gehiago gastatzen ziren lur klase batzuetan. Perratzailearen lanaren beherakada.

« Aurrekoa Hurrengoa »

Proiektua: Deba Eskualdeko Ahotsak - Eskoriatza.
Elkarrizketatzailea(k): Itziar Alberdi Bilbao
Data: 2006(e)ko urtarrilaren 01a
Iraupena: 0:01:00
Erref: ESK-030/012
Kodifikatzailea: Itziar Alberdi Bilbao
Gaia(k): Baserria » Baserriko lanak » Baratzea eta soroa , Baserria » Baserriko lanak » Baserriko animaliak , Lanbideak » Antzinako lanbideak » Errementariak, ferratzaileak

Transkripzioa

- Eta, gero, lehen esan dou perratzaillia bazeuala, ez?
- Bai.
- Idixak-eta perratzera nora eruaten zenduezen?
- Hona domeka goxetan etorten zan horra behera, Maulandara. Hor perratokixa ifinitta euen ta horra etortzen zan domeka goxetan. Domeka goxetan atara biher izeten gittuen.
- Eta ze izaten zan, idixak bakarrik perratzen zian edo…?
- Behixek normalien ez zien perretan. Ez, behixek, ba… bai, batenbat koja edo auelako noizbaitten igual perrauko zan, baiña bestela ez. Idixek perretan zien. Ta idixek be, ba, perrau… asko ez zien ibiltten, e? Hamen… Beste toki batzuetan hor harri-bidiek dazen tokixen-ta perrak gehixau falta izeten zien. Hamen hainbeste ez [dotsien] falta eitten perrak. Baiña hamen be perrau eitten zien puskat, bai.
- Eta perratzaille bakarra zeuan orduan hona Maulandara etortzen zana?
- Bai. Eskoriatzatik… Hak Eskoriatzan be eitten euen lana ta gero domeka goxetan hamenguek eitten zittuen. Ba, perratzaille… perratzaille… Beti perratzaillie, perratzaillie, ba, hak hortan bizimodue etaraten euen.
- Hori be poliki-poliki galtzen juango zan, ez?
- Bai, bai…
- Idixak ya kentzen ta…
- Bai, ya gero idixek-eta kendu ein zien eta…
- Eta perratokixak jarraitzen dau hor Maulandan?
- Ya ez, ya kenduta dao.

Egilea(k): Aintzane Agirrebeña (Badihardugu Euskara Elkartea)