Loiu

Bizkaiko barnealdean eta erdialdean eta Txorierriko eskualdean dagoen udalerria da. Eskualde hau, behinola landa izaera hutsa zuena, hirurogeiko hamarkadatik hona inguruan izandako industria hazkuntzaren zabalgune naturala bilakatu da; urte haietatik Aireportuaren azpiegitura dauka bertan. Iparraldetik Laukiz eta Gatika udalerriek mugatzen dute, ekialdetik Erandiok, hegoaldetik Sondikak eta Zamudiok eta mendebaldetik Deriok eta Mungiak. Zabaloetxe auzo nagusia eta herrigunea da, udaletxea barne hartzen duena, eta beste bi auzo handiak Elotxelerri eta Lauroeta dira.