Lemoa

Lemoa Bizkaiko erdigunean dagoen udalerria da, Arratiako eskualdean Arratia eta Ibaizabal ibaien elkargunean. Udalerriko auzoak ondorengoak dira: Agarre, Arraibi, Arrantxe, Arraño, Azurreka, Bolunburu, Durandio, Elizondo, Elorriaga, Errekalde, Estaziñoa, Intzuntza, Iturritxe, Larrabeiti, Lemorieta, Mendietan, Pozueta, San Inazio, Tallerreta, Txiriboketa eta Zubieta. Mugakide iparraldean Bedia eta Zornotza ditu, hegoaldean Igorre eta Dima, ekialdean Zornotza eta mendebaldean berriz ere Bedia. Hizkerari begiratzen badiogu, mendebaldeko euskalkian kokatuko genuke Lemoakoen berbeta, Arratiako hizkeraren barruan hain zuzen ere.